«Айналайын» мектепалды тобында 8 наурыз – Халықаралық әйелдер күніне арналған мерекелік іс-шара өтті. Бұл күн қуанышқа, шаттыққа және аналар мен әжелерге арналған жылы лебіздерге толы болды.

Балалар мерекеге үлкен дайындықпен келді. Олар аналарына арнап әдемі өлеңдер айтып, ән шырқап, би биледі. Тәрбиеленушілер түрлі қызықты ойындар мен сайыстарға қатысып, мерекенің көркін қыздырды. Мереке ерекше көңілді әрі әсерлі өтті.

Мерекенің ең әсерлі сәттерінің бірі – балалардың өз қолдарымен жасаған сыйлықтарын аналарына табыстауы болды. Балалар аналарға деген сүйіспеншілігі мен алғыстарын білдірді.

8 наурыз мерекесі барша қатысушыларға көтеріңкі көңіл-күй сыйлап, балалардың аналарға, әжелерге деген құрметі мен сүйіспеншілігін арттырды.